Romeo Veshaj përballë Heidi Bacit, u zgjodh të jetë finalisti i parë i këtij Big Brotheri.
Teksa çifti ka qënë nën presion se kush prej tyre do përfundonte këtë të shtunë rrugëtimin e tyre në show, ata nuk kishin dijeni se televotimi po bëhej për të drejtuar njërin nga ata për në finalen e madhe të 25 majit.
Eglës iu dha si përparësi ditën e martë, që të zgjidhte dy banorë të shtëpisë për t’i dërguar në televotim. Publiku do vendoste se cilin prej tyre e dëshiron automatikisht në finale, dhe cili do vazhdonte lojën duke qënë në televotim të vazhdueshëm deri në gjysëm-finale.
Ajo vendosi të dërgojë çiftin Heidi-Romeo, pa i komunikuar këtyre të fundit se nominimi do bëhej për finalistin e parë, por duke nënkuptuar se njëri prej tyre do shkëpuste rrugëtimin në këtë reality show.
Çështja hapi mjaft debate mes të dashuruarve dhe Eglës, por duket se tanimë ujërat janë qetësuar.
